Mohit Trendy Baba's few lucky saved works from defunct websites, forums, blogs or sites requiring visitor registration....

Wednesday, June 6, 2012

Trendy Baba Series : Trendy Sundari

 Trendy Sundari ->
 by TRENDSTER » 16 Mar 2008 21:28(Raj Comics Forums)

Trendy Baba apne story plots aur ideas lekar Raj Comics kay office jaate hai jaha unka aur unke sunaye ideas ka khoob mazaak udaya jaata hai. Par kai baar samjhane kay baad bhi Trendy Baba apne ideas ko select karne ki zidd karte rehte hai. Tab unke baal pakadkar unhe bahar phaink diya jaata hai. Jiss se unka wig bhi RC team kay haatho mey aa jaata hai. Sabko shaap dene ki dhamki dekar Baba rusht hokar apni personal sevika, 'Sundari', kay saath ek goan mey jaakar apne se kum I.Q. waale logo kay beech apni 'babagiri' ka business chalane lagte hai.

Sanjay ji ko laga ki Trendy Baba unhe shaap naa de dein isliye wo uss gaon mey pahunche Trendy Baba ko manane kay liye. Sanjay ji kay Trendy Baba kay shaap kay darr se gaon mey aane ki khabar Baba tak pahunchi. Trendy Baba jaante thay ki wo shaap to de nahi sakte hai isliye wo Sanjay ji se milne se bach rahe thay. Saath hi Baba unse gussa bhi thay.

Baba kay anusaar "Batao kal ka chhora Edge bhi green page mey aa gaya...ek meri saari jatayein jhadd gayi likhte likhte......aur Sundari....humri Scary waali short story skip karke Bubai ki chhap dinhe rahe...upar se kehat rahe....ee kahani agle green page mey jaari rehvegi...humri to kismat hi gayi hai maari. Comedy posts to membaran haw nahi padhat uuu pagen kay beech wahin sadat rahin...uu ki to baat hi chhodo "

Unki personal sevika 'Sundari' bhi unhone aisi short list ki thi jiske sochne samajhne ki shamta zyada nahi thi aur uski I.Q. bhi baba kay bhakto ki tarah hi doubtful thi.

Sanjay ji, Baba kay bagal waali jhopdi kiraye par lete hai par achanak aane kay kaaran wo apne saath zyada cheezein nahi laa paaye thay. Wo apne padosi Trendy Baba kay ghar par kambal maangne jaate hai jisse Baba ki personal sevika de deti hai.

Trendy Baba (sotay waqt) -> Sundari...O...Sundari...wo humra kambal kidhar gawa ?

Sundari - Uuka to Sanjay ji levat rahe.

Trendy Baba - Ka tumhaw....ek maareb tabaw tum sudhro...abki aave to kahena ki "Kambal mey to rui hi naa haigi...uuu to phhatat hai....uume keede padat."

Sundari - Ji baba, mai samajh gayi.....Trendy Baba ki Yo.

Trendy Baba - Haan, Yo...Yo, jeeti raho.

Agle din Sanjay ji kambal lautakar Sundari se Baba ki 'Yo Bike' maangnte hai.

Sundari - 'Yo bike' mey to rui hi naa haigi....uuu to phhatat hai...uume keede padat.

Sanjay ji - Kyu mazaak karti ho, zaroori kaam hai de do. Taill ki tanki mai full kara dunga....extra paise de dunga...

Sundari Yo bike bhi asmanjas mey Sanjay ji ko de deti hai kyoki wo Sanjay ji kay ek hi sentence mey kahi itni baatein samajh nahi paati hai. Ghar lautne par Trendy Baba apni 'Yo bike' kay baare mey Sundari se poochte hai.

Sundari - 'Yo bike' to Sanjay ji levat hai.

Trendy Baba (gusse se aag babula ho jaate hai) -> Murakh....paapin....uuu humre dushman hai....bade waale.....anarth pe anarth karat rahti ho....tumri choti pakad kar unhin kay jhopde kay chhapar pe phaink denge.
Suno....ab aave to gusse se kehna....." 'Yo bike' kay fuel tank se taill reesat hai...ee ki machinery mey kachra bhara haiga...Yo jo bike hai naa ee ka silencer bhi poo poo karke phhatat hai."

Sanjay ji Sundari ko 'Yo bike' lautatein hai.....wo Baba ki iss berukhi se naraz thay....kyoki itne dino se jab bhi wo Baba kay ghar jaate Trendy Baba chhup jaate....aaj wo Baba se milne kay pakke mood se aaye thay.

Sanjay ji - Kya Trendy Baba ghar par hai ?

Sundari (Gusse se) - Trendy Baba kay fuel tank se taill reesat hai...unki machinery mey kachra bhara haiga...Yo jo Baba hai naa ee ka silencer bhi poo poo karke phhatat hai.

1 comment: