Mohit Trendy Baba's few lucky saved works from defunct websites, forums, blogs or sites requiring visitor registration....

Wednesday, June 6, 2012

Trendy Baba Series : Yo Institute of Posting Technology!

Yo Institute of Posting Technology (Part - 1) ->



Topic - "Aur Ab.......Forum Members in Real Harsh World"

by TRENDSTER » 22 Dec 2007 21:56 (Raj Comics Forums)

 Place - Delhi,

Nagraj - Namaste, Aunty ji, mujhe bunty98 ji se milna tha kya wo ghar par hai ?

Ghar se Vishal ki Mommy bahar aatin hain.

Aunty - 1 hi Bunty nay dum pee rakhein hai 98 hote to kya haal hota ?

Vishal - Mommy....wo mera dost hai.

Aunty (Nagraj ki taraf dekhte huey) - Aaj kya koi fancy dress competition hai tumhara ?

Nagraj - :oops:

Aunty - Tum itne patle kyun lag rahe ho ?

Nagraj - Aunty ji, aajkal mai Lalit Food Products khaa raha hun naa shayad ussi ka asar hai.

Andar aane par.

Nagraj - Vishal, Maine Raj Comics ki website par register to kar liya hai par mai eksaath bahut saari posts karna chahta hun......kisi ko shak bhi nahi hona chahiye ki mai spamming kar raha hun aur sab taareef bhi karein.

Vishal - Meri bhi yahi dikkat thi phir ek baba ki sharan mey gaya......unhone hi raasta dikhaya aur ye "Yo Institute of Posting Technology" khulvaya.

Nagraj - Kaun se baba ?

Vishal - Hain ek pahunche huey Baba....jaha zarurat nahi hoti waha pahunch jaate hai. Abhi unhe phone milata hun. :arrow:

Hello....Yo baba....aapko shat shat yo....ek naya shishya aaya hai....level 2 tak sikha dun...achcha....keh raha hai posts badhani hai...bina spamming ka shak huey..aur taareef bhi chahiye.....OK baba....mai wahi syllabus use kar leta hun.....kya...naya topic banaya hai....mai dhoond lunga...haan ji support to karna hi hai koi formality ki baat thode hi hai......aji 2 paragraphs se kum to maine likhna hi nahi hai uske jawab mey.....achcha....aur aapne photo bhi lagai hai....haan wo note karva dijiye ki kya likhu uske reply mey.... Bilkul...hero lag rahein hai, Bollywood ki kya bisaat hai aap hollywood mey try kyu nahi karte....haan ji likh liya. OK, Yo baba.

Vishal nay Nagraj ko seekhana shuru kiya.

Vishal - Dekho, shuruat karte hai Artists aur Writers kay forums se.

Nagraj - Artists kay topics mey to pages dair se khul rahein hai sabne artwork daal rakha hai naa....

Vishal - Arre...to intezaar thode hi karna hai...Pagle..post reply par click karo. Yahan log encouragement ki aad mey spam karte hai aur koi kuch nahi kehta...ulta artists, writers log pakke friends ban jaate hai tumhare...bonus...

Nagraj - Kya likhu ?

Vishal - Likho Bahut achchi art hai.....kiska topic hai ye....ammmm...haan bahut achchi art hai Saket Bhai....aur ye happy waala emoticon laga do. Ab aise har topic par alag tareke se reply karo.

Phir Vishal nay Nagraj se kuch aise replies karvaye.

"Wah, kamaal kar diya, Aashu. :) "

"Umda art banayi,karan. 8) "

"Ye kuch naya tha, Anand Bhai. :D 8) "

"Sid, ki to baat hi kuch aur hai. :lol: "

Issi tarah saare adjectives jab khatm se honay lage.

"Wah, kamaal kar diya,Ishaanbharti. :D "

Aisi posts ka silsila Writers aur Story Ad Forum mey bhi chalta raha.

"5 Part to wakai achcha tha,Anurag Bhai. World War to chalti rehni chahiye."

"Iss idea mey bahut scope hai, Nikhil."

"Ajay....Tumhari T.H.S. ki story mey bahut achcha Thrill, Horror aur Suspence bhi hai."


To be Continued.... 

-------------------X--------------------X---------------------X----------------------

 
Yo Institute of Posting Technology (Part -2) ->
TRENDSTER » 23 Dec 2007 21:45 (Raj Comics Forums)

Issi tarah kahaniyon ko bina padhe replies dene ka silsila chalta raha.

Vishal - Iss kahani ko dhyaan se padho.

Nagraj - Kyu...aapne to kaha tha ki....

Vishal- Kaha tha par jab waisi kahani Baba ki ho to koi ye naa padhe.

Nagraj - Maan gaye.

Vishal - Kisse ?

Nagraj - Aap aur Baba super...dono ko.

Kahani padhne kay baad.

Nagraj - Aap to kamaal ho Trendy Baba. Anthony aur Dhruv ka action to lajawab tha. Aur 3 part ki 5vi line mey Dhruv ki entry bhi zabardst thi. 9 Part mey Dhruv ka pahado kay beech starline atkakar Sebby ko bachane waale scene nay dil loot liya. Aur 13 Part ki shuruat mey hi.........

Kuch dair baad.

Nagraj - Bas...mujhe ulti aa rahi hai....mai aur taareef nahi kar sakta.

Vishal - Shabash, tum achcha seekh rahe ho. Bas itna aur likh do ki agle part ka intezaar hai, baba. Ab Sabhi Forums kay popular topics dhoondo aur purane pages ki baatein quote karo....daro mat mai bata raha hun kya likhna hai. Ab Nagraj kuch aisi posts kar raha tha.

Har comics mey Nagraj ki shadi honi chahiye.


Rightly said. :D :D

Tum pagal ho.


Yes, I agree.

Visarpi ki dress kay baare mey aapke kya vichaar hain.


Sober, "OK Tested", (Myself).

deleted


Yahi mai bhi keh raha tha.

Nagraj tezi aur dakshta se apna kaam nipta raha tha.

Vishal - Ab About Other Members aur Private Messaging, aur aise topics mey mey 15-20 posts kar do....natak karo jaise tumhe posting to kya saans lena bhi nahi aata kisi ko shak nahi hona chahiye.

Agle din.

Thankyou, Vishal ji..doosre hi din meri 200 posts paar ho gayi...aur kisi nay meri posting par ungli bhi nahi utthayi.

Vishal - Ye sab to baba ki cleverta hai, tum bhi issi tarah cleverta ka pradarshan karte rehna aur har jagah Baba ko support karte rehna......saath hi unke sishyon ko bhi. Baba kay mannmutabik koi baat naa ho to wo academy se nikal dete hain aur bina baat ki beizzati karne lagte hai....in short peeche pad jaate hain.

Nagraj - Trendy Baba khud kisi ko kyu nahi padhate ?

Vishal - Unhone shuruat mey shishyon ko gyaan baanta tha phir unhone apna jeevan Research and Development of Spamming ko samarpit kar diya. Ab unke pehle batch kay students hi Posting sikhate hain naye Members ko.

Nagraj - Yaani course poora.

Vishal - Arre..abhi nahi...abhi to kai crash courses baaki hai...jaise "Festive Spamming" , "Nautanki Spamming", "Emotional Balckmail Spamming", "Doosro ki aad lekar Spamming", "Contribution ki aad lekar Spamming", "14va aur 15va consecutive reply(Page palatne ka faayda spamming)"........aisi aur bhi bahut categories hai. Baba spamming kay naye naye tareke khojte rehte hai. Phir bhi ye lo.

Nagraj - Ye.....?

Vishal - Diploma in Advance Posting......naam par mat jaao ab saaf saaf thode hi likhenge ki Diploma in Advance Spamming. Issi lagan se seekhte raho tumhe Baba Posting mey Doctrate ki Upadhi bhi dilva denge. Arre wah, Baba nay humpar Comedy post likh di hai....ab tumhe likhna hai ki.......

Nagraj - ...Thankyou, Baba, balki mai to kehta hun ki............(Aage kay 5 para mey jo likha hoga wo aap log jaante hai.)

[The End].

1 comment:

  1. ahema hem.....heheheh ye to sahi me kaafi purani post thi,...yaad aa gai

    ReplyDelete