RC Visit (May 2013)

Aaj 2-3 saal baad phir RC Office gaya. Wahan Sanjay ji, Abhishek Dear, Manoj ji, Vivek Mohan ji, Hemant Bhai se mila. Achchha anubhav tha...at present RC creatives par workload bahut zyada hai. Abhishek to heera ladka hai, jitna kaho utna kum...apne Hemant Bhai to superstar hai hi, sahi se artist aur Dilli wala bana rahe hai Abhishek ko. Sanjay ji se itne gap k baad kaafi baaten hui.

Ek aur vaakya hua Vishvavidhyalay Metro se jo auto liya RC Burari jaane k liye us autowaale (Surender) ko bataya Burari jana hai....jab usko bataya ek publication hai to usne pucha Raja Pocket Books, maine haan kaha to usne bataya ki wo pehle jude wahan se kai artists ko jaanta tha...aur ab senior artist Rakesh Gurung ji k saath unke struggling days mey rehta tha...

"Jab Rakesh chatai par sota tha aur baarish k time mey paani bhar jata tha to uske liye Charpaai lata tha mai...ab to uska naam cartoono mey neeche likha aata hai, mai to Sant Nagar hi reh gaya Sahab, wo to khoob aage nikal gaya. Noida mey rehta hai shayad ab..." Baaki baaten phir kabhi....

P.S. Pata nahi kyu jo koi net par achchhe se jaanne wala banda real life mey milta hai mujhse to pehchaan hi nahi pata mujhe pehli baar mey...

 - Mohit Sharma Trendster