Mohit Trendy Baba's few lucky saved works from defunct websites, forums, blogs or sites requiring visitor registration....

Sunday, November 9, 2014

मोहित ट्रेंडस्टर November 2014 Logs


Digital Painting - Duality 

Vibhuti Dabral & Mohit Trendster

----------------------------------



Kuch alag dekhne ka mann tha to "Roar - The Tigers of Sundarbans" movie dekhi. Trailers aur cast k interviews dekh kar achchha laga ki aesa unique subject chuna gaya. Ye bhi pata chala ki movie ka budget around 70 crores tha.
Film ka backdrop khoobsurat hai, effects mey VFX-CGI bhi Indian standard se better the aur shuruat mein kaafi ummeed bandhti hai. Film ki buniyaadi baaten yaani kahani, acting, editing aur direction mey bahut kamiyan hai. Scenes, dialogues bikhre hue unrelated lage kahani se aksar, uspar bhi beech-beech mein aesa laga jaise newsreaders aa gaye hon actors ki jagah. Ajeeb baat lagi ki 2 - 3 mutbhedo mein trained commandos ki tabadtod firing se aaram se Bagh, Baghin bach kar nikal gaye. Actors Abhinav Shukla k alawa sab naye hai aur modeling background se hai par aage achchha kar sakte hai jahan talent better use ho unka khaaskar Abhinav aur Himarsha Venkatsamy. Aajkal BiggBoss (Season 8) mey charchit Ali Quli Mirza ko seemit footage mili.
Last update tak movie 11 crores kama chuki thi aur nayi filmo k aane se isko alloted screens kaafi kum reh gayi hai jo agle hafte lagbhag khatm ho jaayengi to ye recent time ki sabse badi flop bollywood movie hogi. Mai inke risk lene aur nayi theme explore karne ki taareef karta hun par bina neev imarat nirmaan galat nirnay....
Rating - 4/10

No comments:

Post a Comment