Mohit Trendy Baba's few lucky saved works from defunct websites, forums, blogs or sites requiring visitor registration....

Thursday, June 26, 2014

Mulaqat 2012 - Random Archive


Mohit ji ki post abhi dekhi (Purane DB mein thi)
https://mbasic.facebook.com/groups/380973031956964?view=permalink&id=666560506731547&p=0&refid=18
Chaliye yeh baatein sahi hain....Jo Mohit ji ne likhi...Kyunki Ghabra toh hum sach mein gaye the...Pehli baat toh Milne ka Time kuch 11 baje ka tha...lekin Phone karke yaad dilaane ke baad....Humein 1 ghante se Upar hi Park ke har kone ka chakkar katwaakar hi Darshan diye gaye the....tab tak hum waise bhi thak chuke the....kyunki Park mein Mushqil se hi koi Insaani prajaati dikh rahi thi...isliye peeche Gomti ke paani ko dekhne ke alawa koi achcha scene tha nahin.(yeh toh achcha tha mahina sardi shuru hone ka tha..aur humara dubki maarne ka iraada nahin tha...kyunki tairna aata nahin) 
Pehli baar jab bhi kisi se milna hota hai toh thodi ghabrahat honi laazimi hai...Par humne yeh nahin socha tha...ki sach mein humse Height mein jyada..Dole-shole waali personality aane waali hai..Mohit ji ki flexible body hai...Jaldi weight kum aur jaldi hi Badh bhi jaata hai....aur tab yeh Dehradoon ka khaana khaakar FB par jo pics daal rahe the..uske hisaab se weight kum hona chahiye tha....Lekin Reality mein mila Dhokha...Toh Woh pehla reaction Original tha 
Pehle humein laga bhi tha...Ki Aaj toh Iss Dhaulia ka saara Anaaz Loot liya jaayega 
Par yeh baat theek hai....thodi der ki baatcheet ke baad hi Kaaphi Normal ho gaye the (Isme Mohit ji ka hi haath hai...kyunki jahan tak humein yaad hai...hum serious nahin the...Lekin woh Serious Topics par hi baat karna chahte the) 
Ab jaisa ki unhone kaha hai...ki unhe Kuch baaton par Hansi aayi hogi...toh Target Sahi laga tha....Kyunki 2 Serious Log..2 Scietist jaisa lagte hain...jo sirf Mudde ki baat par ho...aur woh mahaul iske liye sahi samay nahin de raha tha....Par humne mehsoos kiya tha...ki Unhe Aasaani se hasana bahut Mushqil baat thi...Isliye Same Age hone par bhi woh sach mein 30 Saal paar ke lag rahe hain.
Unhe Uss Din kisi aur se bhi milna tha...isliye Jyada waqt saath reh nahin paaye...Phir Unhone humein scooter se ghar tak chhoda....aur aisi Road se nikal gaye..jo shayad unke liye Nayi thi 
Baaki Movies waali baat sahi hai...Idea Unka hi tha ki Hollywood bhi dekhni chahiye...Lekin hum hamesha yeh maante hain ki Jo hona hai wahi hota hai...Mohit ji ko dhakka lagana tha...toh hua (waise yeh kaam woh shuru se aaj tak karte rehte hain  )
-------------------------------------------------------------------
Mohit Sharma > Dhaadaammm- Bhadaaammm Party
Yahan shayad Warrior ji se mai hi mila hun. To baat November 2012 ki hai. By chance milne ka plan hua aur mai apna comic collection bhi dispose kar raha tha to apne ek-do bundle maine inke liye rakhe aur aa gaya. Pehle to ye mujhe dekhkar bhavybheet ho gaye ki Mohit Sharma ko bulaya tha ye TNA waala Indian wrestler kahan se aa gaya.
Thodi baat hui, comics di, phir idhar udhar ki mey ye baat aayi....tab mai 24 saal ka tha to maine kaha ki aese shareer ki wajah se mai kisi ko apni age 26-27 bhi bataun to wo maan lega....inhone joda "Arre 26-27 kya...aap 30-32 bhi bologe to bhi maan lega..." Matlab...Inhone ye baat kataksh mein, mazaak mey nahi kahi thi balki poori imaandari aur bebaaki se kahi thi jaise kisi comic ko rate kar rahe hon...badi hasi aayi inke jawab par ki apne mann ki baat batate waqt inka darr bhi chala gaya...lol...wo angrezi kahavat hai na 'wearing heart on sleeve'..kuch waisi aadat hai warrior ji ki. Par aksar log galat interpret kar lete hai imaandari ya bebaaki ko....unhe lagta hai saamne wala banda (jaise Warrior ji) chidha hua hai, kunthagrast hai jo aesi baaten bol raha hai....jabki aesa bilkul bhi nahi hai. Online communities mey is kaaran kai logo ko khafa kar chuke hai.
To badalne ki salah to mai bilkul nahi dunga kyoki ye to best aadaton mey se hai, haan bas style badal kar aur mahaul-insaan dekh kar express kare apne aap ko.
Ek baat aur, pehle ye sirf Hindi movies dekhte the wo bhi bahut selected, inka exposure kum tha....to maine inhe insist kiya ki English bhi shuru karen....ye bhi shayad 2 saal pehle ki baat hai....tabse jo dhuan kaata hai inhone International movies dekhne ka ki ab mujhe lagta hai ki inke aage ab mera exposure bahut kum hai. he he Ab kuch recommend nahi karunga inhe.....
  • Rajiv Roy hail indian tna wrestler  urf baba ji.
    53 mins · Unlike · 1
  • Rajiv Roy waise v db mein baba ji key jyadatar posts serious matter par hi hotey hain,thode different type hi hotey hain,yeh notice kiya hai maine,funny posts toh woh naa key barabar hi kartey hain.
    50 mins · Unlike · 1
  • Dheeraj Dkboss Kumar baba ji un personalities me se h jo bina kuch kiye impression bna lete h,inse milna mera good luck tha aur dubara fir mauka lga to jarur milunga...youdh ki style ki aadat ka mujhe us din andaaza hua tha jab inse phone pe baat hui,so mohit bhai ki tarah me b jaanta hu ki banda dil ka saaf h,chahe baat ka andaaz jesa ho...aap dono hi mere liye mahatpurn ho 
    45 mins · Unlike · 4
  • Harish Atharv Thakur hm b mil chuke hain inse... jub ye mere home town se hote huye ja rhe they via bhopal... sirf 50-55 seconds ki meet hui thi railway station pur hi... jismein jyada baat to thk ek dusre ko thk se dekhna b na ho paya... but still lgta h k kal ki hi baat ho.... 
    43 mins · Edited · Unlike · 4
  • Dheeraj Dkboss Kumar rajiv bhaiya baba ji k sense of humour ka jawab nhi h...aap inki comedy rc characters pe padho kabhi...haste haste bura haal hota h
    41 mins · Unlike · 2
  • Youdhveer Singh 50 Sec...Kiski galti thi...Aap late aaye ya unki Train
    40 mins · Edited · Unlike · 3
  • Rajiv Roy padhi h dk sir maine,rc forum pey hi padhi thi.
    39 mins · Unlike · 2
  • Harish Atharv Thakur dono me se koi b late nahi tha,.. na to train aur na hm.... evn me to 10 min. pahle hi aa gya tha.... ha shayad driver ki sasural yahin hogi jo usne itni jaldi train chla di nahi to km se km 5 min ka stopage to h hi....  
    38 mins · Edited · Unlike · 2

No comments:

Post a Comment